怀孕中期记录最难忘的5天

2012.4.1

孕中期由14周开始唔知道点解个头成日突然间会晕晕地甘，特别是训糸床度或者低头噶时候就会有，感觉好似是突然眼前黑黑的一片甘样，到16周了，一到食完中午饭的时候就会出现头痛的现象。孕中期的胃口慢慢开始好拉~已经由原来的大半碗饭增加到一碗饭，个肚都越来越明显了，体重是每个星期直线上升到18周产检都57KG拉。18周开始感觉到BB的胎动拉，每晚我训落床度都觉得距左右甘郁黎郁去，之前是右边郁得多，依家是糸左边或者肚脐的位置郁得多D。

怀孕中期

2012.4.2

今日囡囡7点几就起身了，我都未训，距就糸度一直叫妈咪，无奈只好起身了，冲佐奶粉俾距饮完之后就准备返阿妈度，而我就早餐都无食，糸公交车上面细BB好听话啊，没食早餐都无抗议，如果是往日的，一早起身就要稳野食，食完距先乖乖地唔郁的。依家带住囡囡又大住个肚，坐车都唔是好方便，感觉有D吃力拉，因为要先抱个囡上佐车后再罗部BB车上车，会好麻烦！我谂再迟下个肚再大D噶话就会好少返阿妈度拉……半个钟之后就返到拉~糸市场又买佐一大袋蕃茄，准备当水果食的的（近排都好钟意食番茄啊，觉得好开胃），返到去阿妈第一眼见到我就话我瘦佐好多，比上两个星期返块面又瘦佐了，但我的体重是有增加架？唔明白阿妈点解仲话我瘦佐！可能依排训得唔好，又要凑住个百厌女拉，希望细BB唔会受到影响拉！

2012.4.3

今朝起身梳洗好，帮囡囡搞掂哂就出门拉（每朝都是重复的动作），点知去到市场先知道原来唔记得带钱喔，唉~有佐之后越来越大头虾拉，可能精神集中唔到拉，好多时要做噶野转头又唔记得拉，人地话大肚婆都会善记忘D的~我觉得自己就是拉。然后又要再返屋企罗钱，唔是无钱食早餐拉~搞到成9点半先食早餐，细BB都抗议拉！依两日唔知道是米天气热返呢，感觉好似无乜胃口食饭甘，个肚是饿，但又唔知道想食乜野甘，琴日一日只是食得一餐饭，今朝早餐又唔多想食，只是同囡囡饮佐支豆浆+豆腐花+煎饼。今日刚好是28周，时间越来越近拉~真是好希望时间过得慢D啊~

2012.4.4

今日是假期的最后一日，虽然我每日都是假期，但我都仲是跟大队凑热闹去了，今日食完中午饭就同大细BB和BB的表姐，姨姐齐齐去大润发SHOPPING了，去到大润发那个人多啊，由于均一价都被人围得水泄不通的，幸好是开了空调，不然人都给闷坏了。睇来两个BB都是钟意热闹的，囡囡糸购物车上跳个不停，成个下午都无训觉，而细BB都表现得相当兴奋，不停糸肚里面郁来郁去的。四点终于要买的都买哂了，买了几箱牛奶，罗返屋企已经累到不得了，而囡囡一返到屋企就训着拉~可能是好累拉~觉得距训得特别甜，睇到甘可爱的样~真是好想锡距一淡啊。

2012.4.5

依家每日来依度写日记已 经成为习惯了~琴日我生日啊~虽然无庆祝，但都祝自己生日快乐，两个BB身体健康，听讲听话，快高长大。今日起身就见到个天好黑好黑~好似想落雨甘，点知过佐半个钟~D雨落到倒水甘~于是就无同囡囡出去市场食早餐拉，简单糸屋企冲牛奶+干粮搞掂，今日应该是今年来最大的一场雨吧，终于听到雷响拉~春天真的到了。依几日奶奶唔舒服，所以煮饭之类的家务就落糸我身上拉~凑住囡囡又煮饭，晚上食完饭又要帮囡囡冲凉，真是做到我好累啊，可惜甘辛苦，都只是自己知道！今日细BB是28W+1D拉~时间越来越近了，真的好想时间可以停下来。

小编总结：怀孕中期的孕妈更加容易察觉胎儿成长的变化，每天都充满惊喜，祝这位孕妈生个健康聪明的宝宝